Myanmar sipai indo thlawhnaten Chin National Army (CNA) hmunpui an beih hnuah Mizoramah raltlan an pung.
Tar lan tawh angin, January 10 leh 11 khan |iau kam, Myanmar lama CNA hmunpui, Camp Victoria chu Myanmar sipaiten indo thlawhna hmangin an bei a, he camp bul vel khua atangin mi eng emaw zat chu Mizoramah an tlanchhia a ni.
Camp Victoria beih a nih avangin an khuaah raltlan an luh belh em tih hriat tumin Farkawn VC-ten raltlan lut tharte chu Inrinni khan inhriattir turin an ti a, chhungkaw 53, mi 197 an inhriattir a ni.
Farkawnah hian raltlan hi mi 800 chuang an awm sa a, an tam ber lai chuan mi 1,300 vel an ni.
Nikum kum laihawlah khan mi sang chuang hi an awm a; mahse, an khua a ralmuang ta deuh a, an kir leh a. Haw leh bakah hian Mizoram khaw danga kal an awm a, Zawlsei-a YMA relief camp siamah an kal nual bawk.