Nimin khan Mizoram chhung leh pawn hmun hrang hrangah Mizoram Presbyterian Kohhran hnuaia pastor leh pro. pastor nemnghehna hun buatsaih a ni a, Synod puipaten kohhran hrang hrangah an hmanpui.
Moderator Rev. Dr. C. Chawnghmingliana chuan Ramhlun Vengthar-ah Rev. K. Lalrammawia nemngheh inkhawm a hmanpui a, hetiang bawk hian Synod puipaten bial hrang hranga pastor leh Pro pastor lakluhna inkhawm hi an hmanpui a ni.
Mizoram chhung hmun 46 leh ram pawn hmun hrang hrang 11-ah pastor 57 nemngheh inkhawm buatsaih a ni a, nemngheh thar pakuate pawh an awmna turah lakluh an ni a. Heng bakah hian pro pastor thawk lai awmna hmun siam rem pakua awmin pro pastor-a nemngheh thar 10-te pawh an awmna hmunah lakluhna an ni.