Mixed martial arts chanchin a fighter ropui bera tam takin an chhal Jon Jones chuan March thla hian Octagon a lut leh dawn a. Ciryl Gane nen UFC 285-ah heavyweight championship an inchuh dawn.
UFC president Dana White chuan Pathianni tuk khan Jones-a te intum tur hi a sawi chiang a. Champion lai Francis Ngannou chuan UFC a chhuahsan thu a sawi tel.
Jones hian kum 2020 February thla hnua a vawikhatna atan Octagon a luh lehna a ni dawn a. Hemi tum hian Dominick Reyes lakah a light heavyweight title a humhim a. A hnu lawkah heavyweight a insawn a tum thu sawiin a title hi a chhuahsan.
Kum 35 mi hi tawh 26-1 record nei Jones hi kum 23 mi lek a, UFC champion ni thei a ni a, UFC a champion thei naupang ber a ni.
A khingpui tur Gane hi 11-1 record nei a ni a, interim heavyweight champion ni tawhin nikum January khan Ngannou nen unification bout-ah intumin round nga chhungin decision-ah a tlawm.
Hemi hnuah hian September thla khan Tai Tuivasa chu a knockout leh tawh.
Ngannou a chhuak
Cameroonian-French fighter Ngannou hi hun engemaw chen atang hlawh chungchangah UFC nena inrem thei lo tawh an ni a. UFC in fighter-te hlawh a pe tlem tih a lo sawi tawh thin.
White chuan heavyweight fighter hlawh hnem ber nih tir tumin contract an zawrh a, chu chu a pawm lo niin a sawi.
“Helaia awm duh lo chu kan chelh dawn lo tih ka sawi tawh thin. Francis hian risk la teuh lova, sum siamna tura khingpui awlsam zawk deuh hmachhawn a duh tawh niin ka ngai a, chutiang ti turin dinhmun thaah a awm mek bawk.” tiin a sawi zui bawk a ni.