Ration card ang khat hmanna, One Nation – One Ration Card scheme chu Mizoramah pawh mipuiin a takin an hmang tangkai zel.
The Zozam Times zawhna chhangin Supply Department Director Dr Andrew H Vanlaldika chuan One nation – One Ration Card scheme chu June, 2020 atang khan India ram pumah kalpui a ni a, he scheme hnuaiah hian mi tupawh hnathawhna avang emaw, an awmna thin atanga hmun danga an insawn a nih pawhin an ration card siam danglam ngai loin an card ngai hmangin retailer hnenah buhfai an la thei tih a sawi.
Dr Andrew H Vanlaldika chuan mipuiin he scheme an hman tangkai dan chu vilin buhfai pek chhuah zatte chhinchhiah zel a nih thu a sawi a, thla tin he scheme hnuaiah hian buhfai quintal 100 emaw, 200 emaw vel sem chhuah ziah thin a ni a; December, 2022 khan he scheme hnuaiah buhfai quital 99 pek chhuah a nih thu a sawi a; scheme tha tak hi mipuiin hman tangkaina chang hre chho zel se an duh thu a sawi bawk a ni.