To,
The Chairman/Secretary
Mizoram Kohhran Hruaitute Committee (MKHC)
Mizoram, Aizawl
Subj.: Heng Pathian Thu-ahte hian Mizoramin Pathian Thu a tluksan em?
Pathian rawngbawltu zahawm tak takte u, LALPA Pathian hmingin chibai thianghlim ka buk a che u. In hnenah rinna leh muanna Lalpa Isua hmingin awm zel rawh se, Amen.
Kan khawvel hunhmawr tawh takah hian Pathian Thu, II Thes. 2:3, “Tuman engtizawng mahin tihder che u suh se. Tluksanna chu a lo thlen hmasak zeta, danbawhchhepa boral fapa chu a lo lan hma loh chuan chu mi Ni chu a lo thleng dawn si lova” a tih kha tunah chuan danbawhchhepain hna a thawk tawh a, chu danbawhchhepa chu setana chakna nen lokalin, thiltihtheihna te, chhinchhiahna te, inbumna thilmak tinreng nen a rawn thawk tan tawh a. Hei vang hian dawt thu chu an awih ngeina turin, Pathianin inbumna chak tak an hnenah a thlen tir ang, tia II Thes. 2:8-12-in min hrilh Pathian thu chuan kan ram leh khawvel a nuai mek a.
Lal Isuan Amah uire sanna chhinchiahna, mit dinglam leh kut dinglama unique identification (UID) lak te, Amah tluksanna tura min zilhlawkna te Mt. 18:6-9; Mk. 9:42-50; Mt. 5:27-30, Pathian thuah te hian Zoram Kristiante hian Krista kan tluksanin kan uiresan tawh mek a ni lawm ni?
He sual lian tak Lal Isua pawisawina chhinchhiahna hi India chuan ‘Aadhar Card’ tiin a vuah a. Khawvel sawrkar tinin a hming an vuah hrang theuh a ni awm e.
He Lal Isua pawisawina dan bawhchhiatna tur hi, dt. 19 July, 1995 a UNO thurel tawh niin mithiamte thu ziak atangin a hriat theih a. An rel dan tak chuan kum 2005 – 2014 ah chhinchhiana, khawvel pumah lak zawh beiseina an nei a; mahse an tum ang chuan an kal chak thei bik lo a ni ang.
He hmalakna pawi tak hi, Mizoramah pawh an kalpui zel dan han thlir hian he chhinchhiahna la ve duh lote, Aadhar Card nei ve lote chu sorkar leh a thawhpuite chuan khawvela hamthatna tinrengah an hrekin an ensan tial tial a. Hei hian chhinchhiahna la ve duh lotute chu Pathian duh zawng ang a kal an nih zia sorkar chetzia hian a rawn hrilhfiah zel a ang hle a ni.
Tin, hei lo pawh kan ram kohhranin Krista a tluksanna leh nia ka hriat chu : Pathian Thu-in a phal loh, Biblea Pathian Thu belh emaw paih emaw a phal loh thu Deut. 12:32; Thuf. 30:5-6; Thup. 22:18-19; Exo. 32:33-ah te kan hmu a. Krista hming ngei pawh kan ram kohhran leh Bible Society hian an thaibo duh a ni. Heng Bible changa ‘Krista’ hming chuannate hi an thaibo ta, Johana 4:42; Tirh. 8:37; Philipi 4:13 a mite hi.
Lal Isua ngeiin, “Lei leh Van a ral anga, ka thu erawhchu engtizawng mahin a ral lovang” Matt. 5:18; 24:35-ah te min hrilh a ni
Hei lo pawh kan kohhranin Krista a tluksanna nia ka hriat, Bible-in kohhran kalsual, “Babulon, Nawhchizuar, thiltenawm Nu” a tih, Thup. 17:1-6-a a sawi a zawm tlat avang hian, Bible chuan, “Nawhchizuar zawm chu amah nen pumkhat a ni” a ti. (I Kor. 6:16) a ni.
Kan ram kohhranin Nawhchizuar a zawmna chiang taka lang chu WCC (World Council of Churches) a zawm a nihzia mithiamte thuziak atang leh hun lokal zela a thiltih phung atang hian amah leh amah a rawn inhailang chho zel niin a hriat theih. Bible duhdan leh kalphung a pensan nasa hle a ang ta. Keini ngaihdanah chuan, Aadhar Card.hi , ‘LAL ISUA pawisawina card’ niah kan ngai a, Aadhar neilote chungah a thikthu a tihchhiat danah hian.
Tin, kohhran chhuahsantute zawng zawng hi kan thuhmun vek lo, kohhran chhuahsantute ziangah hian Aadhar Card nei mi engemaw zat an awm a, kan thuhmun vek lem lo.
Keini chuan, Lal Isuan, sual titura thlemna, tlukna laka zilhlawkna, Amah uiresanna a nih thu Bible thu-in min hrilhnate kan theih angin kan ngaipawimawh a. Bible-a Krista hming chuanna han paihte hi sual lian taka kan ngaihvang a ni e.
Kan rin dan hi a dik a nih chuan nangni pawh Bible thu do tur chuan sorkar lamah tang lo turin Isua hmingin ka ngen nghal che u a ni. Pathian Thudik nia kan hriat chu i inhrilh tawn zel ang u.
Kristaa thiam inchanpui ,
E. Lalhleia
Maubawk, Aizawl.