- Lallunghnema, Charity Lodge
Mizorama Service Provider-te hian Passenger Care hi an ngaih pawimawh a tul hle. Consumer-te hian kan mamawh hle bawk a ni.
Kan sawi thin tawh angin Service Providerte hi bus,taxi, rail,aeroplane-te leh consumer-te hnena service petu chi hrang hrangte hi an ni. Heng hmanrua hmangtute hi consumer an niin customer an ni bawk.Chuvangin Thupuiah ka hmang a ni.Passenger-te hi Consumer Protection Act 2019 chuan consumer an ni, a ti.Chuvangin passengerte chuan chanvo leh dikna an nei a ni.
Vawi khat chu ka Nupui nen City Bus-ah kan chuang ve a.Kan kalna ngai loh Venga kal kan nih avangin kan bangbo deuhva.Mahse,kan nau pakhat chuan Bus lo nghahna tur hmun min kawh hmuh a. Tichuan Bus chu kan chang ve ta ran a.Rei vak lo hnuah Bus chu a lo thleng a,a thawl khawp mai !
Mahse,stand hnih khat kan tlan pelh hnuah lawkah khawhar reh rak khawpin passenger an lo pung ta hluai mai a. Bus conductor chuan engmah sawi lovin Bus Stand pawh ni hlei lovah chuan a passenger-te chu min dinpui ta reng ringawt a.
Hman hmawh naka lai a rei ngial,(min.4 a tling hial awm e. , passenger-te tan chuan a rei hle a ni)min han dinpui ngawt mai kha intham lohna a tlingin ka hria a.Engnge a chhan tih ka han zawh meuh chuan ngawi rengin min tlanpui leh ta hram a.
Ka lawm lem lo khawp mai.Ka lawmna erawh,’I ding lawk ang u aw,!’tih chu a ni.Customer leh passenger care dan dik tak a ni bawk.
Tuk khat chu bazarpuiah ka Nupui nen bawk kan zing bazar ve ngawt leh pek a.Bus-ah kan chuang,bus chu a kal mai dawn emaw tihin Bus conductor chuan rei tawk min han dinpui leh ta ngei a nih chu !.Ka lawm lo hle!
Ka insum zawh loh a phengin conductor chu hau deuh pahin ,’Eng vanga min dinpui reng nge an nih,tih ka zawh pah chuan mipui kan zahawm thu chu ka sawi ta mawlh mawlh a.Kha bus conductor kha a lo fing hram a..kan inchal tauh ta em lo!
Ka thlang lawka thu patling pakhat chuan mi lo support ve thuai a.”A dik chiah, min dinpui reng fo mai,”a lo ti ve bawk.Ka mal tan love.Mahse,mi dang chuan chhe te pawhin an ka an ang ngam lo.
Nia!
Hetiang teh hrep hian City Bus-te hian stand-ah min dinpui rei thei khawp mai.Vai ramah an tih ngai pawh ka hre lo! Mipui lah hi dawihzep fuan khawm ang hrimin kan ngawi leh duk thin zawng a nih hi!
Bus-ahte hian chuang awm lovin thu awm lo ta se,bus a tlan a ngem?a service thei ang em?Passenger-te hi nei mang lo se,an service rei thei ang em?
Ngaihtuah tur a tam mai!
Bus a chuang pawisa chawitute hi consumer an ni!Dikna leh chanvo an nei.’King ,’ an ni! tih hi i hre tawh ang u. Anni pawhin lo inhre mawlh rawh se.
Bus chuan kan uar si!Kan dikna leh chanvote hi kan hre si lo.Bus chang a ni nem,taxi leh sumo- te hian an lal an hai rei ta hle.Taxi hman thuahte,Suma hman thuahte hian anniho hi intilal ngawt thei an ni lo.Passenger-te chu an zah ngawih ngawih tur a ni.Passengerte pawh hian an right hriat chu an tan tih makmawh a ni.’Ni mai mai teh se,’tih rilru hi bansan tur a ni.
Ram changkangah passenger an lal,ram hnufualah driver-te an lal,’ tih hi thu dik zik tluak a ni.
Mahse,motor khalhtu rinawm,tha leh fel an tam hle!Conductor zingah pawh mi fel an tlep tuar tih erawh dawt a ni lo!Fel lo ho hawihhawmna chhete pawh nei ngai lo,mi chapo chungthu kan sawi a ni.
Ti leh thin ila…consumer hluah hluah ila, mi zawng zawng,Mizo zawng zawng hi consumer hliah hliah ila, ka duh a ni.Mi thiam,mi puitling nihna chu consumer right hriat hi a ni,keini chuan kan ti thin.
Tun thleng hian kei hian consumer right leh a kaihnawih ka ziak a.Lehkhabu pawh ka la buaipui zel.Thil lei leh service leitute zinga harsatna tawkten kei mi berh tak hi min pun thin.Lawm takin, hlim takin hlawh nei lovin an hnen atanga pawisa la lovin ka lo buaipui thin.Hetiang service hi Pathian min pek a ni , ka ti a ni.Insawi theihna a ni love,Pu Thang!
Thian thenkhat ram mipui ve intiin political party an luh chilh a.Pathian kohnate pawh an ti a ni awm e.A ko lo, tih ngawt theih pawh a ni si lo,mahse, kei mi vantlang naran hian A koh ka ring lo.Min lo hre thiam se.
Kei pawh hi Party Politics khel turin Pathianin min ko emaw ka tia,’ka tha ber’,tia, mahni infak mawina hmunah ka han tap tal a,insawisel leh inrelna,mahni hmasialna pukah ka lo awm reng mai a.Ti hian ,”Ka Pathian hian min ko lo tawp a nih dawn hi!
Hotute laka tlaktlum tumna pukah kan tawm reng bawk si,”tiin heng politics chhe tak hi ka lo bye bye thei ta a ni.
*Tunah chuan kawnsumar pawlitiks ka khel a . Ka bitumte erawh an chak hle. Mi duham leh mi kohamte an ni tlangpui.Keini ang chakna reng nei lo tan chuan a huphurhawm thin khawp mai! Mahse….ka zam love! Ka hnungah mi tam tak an awm tih ka hriat avangin !
Mi thenkhat ka hlawhtlinpui, thenkhat ka hlawhtlinpui lo! A chhan chu an tlan chhiat thin vang leh evidence an neih that tawk loh vang a ni.Consumer-te hlawhtlinna chu huaisenna hi a ni.Passenger Care pawh service petute tan hlawhtlinna bul a ni bawk.
Hetiang ti thei a ka awm hi Pathian min hruaina leh A khawngaihna zar a ni.
Nang Consumer….
I thil tihnaa i lungawi loh chuan min hrilh ta che..Tanpui tur chein, kan inpeih reng e.
Kan ziak zel ang,kan sawiho ang a,kan titi zel ang.Consumer-te zalenna a thlen hma chuan kan bei zel bawk ang.