AZL: Inrinni khan AMC Ward XVI Corporator R Lalawmpuii’n a bial chhung Bethlehem Upa pawl te kumthar chibaiin a tlawh a, MUP Run chung tur rangva bundle li a hlan nghal.
R Lalawmpuii hian MUP te chu tha leh zung an ngah tawh loh avangin an tana inawmhlimna tur ‘Upate Run’ tihphuisui sak chu a rilruah a len thu a sawi a. Upa te chu chhungkua leh khawtlangah tha thawh tam thei tawh lo mah se, an tawnhriat leh an finna chu khawtlang leh hnam tan a hlu a, hnam rohlu an ni tih hi anmahni pawhin inpawm se a duhthu a sawi.
Bethlehem MUP hruaitu te chuan an mamawh em em Upate Run chung khuhna tur bialtu Corporator R Lalawmpuii hnen atanga an dawng chu lawmthu an sawi nghal bawk.