2022-a mi 22 thihna
Nikum May thla khan Pokhara-ah vek hian thlawhna tê chi thlawk chhuak chu a thlawh chhuah hnu lawkah tlain mi 22 an thi a. German pahnih leh Indian pali an tel tih sawi a ni.
2018-a US-Bangla Airlines Flight 211 chetsualna
Kum 2018 khan Dhaka, Bangladesh atanga thlawk chhuak chu Nepal khawpui, Kathmandu-ah a tum hma lawkin a tla a. Hemi tum hian a khalhtu fimkhur tawk lohna chu an chetsual phah nia sawi a ni.
Tara Airlines tawhsual tawh
Kum 2016 khan Tara Airlines thlawhna pakhat chu Pokhara atangin Jomsom panin a chhuak a, a chhuah hnu lawkah a chin hriat lohvin a awm zui a. Zawn fe hnuah a tla keh hmuh a ni ta a, he thlawhnaah hian mi 20 chuang an chuang a ni.
Agni Air Dornier thlawhna tla
Kum 2012-a thil thleng hi Nepal rama thlawhna tlaah chuan danglam leh rapthlak tak a tling a. An ram hmarthlang lama Jomsom-a Agni Airlines thlawhna, Dornier tum chu chesualin mi 20 chuang chuang zinga 15 an thi.
Buddha Air thlawhna tla
Kum 2011 khan Buddha Air thlawhna, Flight BHA-103 chu Kathmandu phaizawlah tlain a chuang mi 19 an thi.
Heng bakah hian kum 2010 khan Tara Air thlawhna tlaah mi 22 thiin Agni Air thlaah mi 14 an thi bawk.