Tripura assembly inthlan lo awm turah CPI-M leh Congress chuan thawh dun an tum a, Zirtapwni khan bial an inchan sem dan tur sawiin an thukhawm.
Congress hnuaia Tripura in-charge Ajay Kumar leh state general secretary Prashanta Bhattacharjee chuan CPI-M Tripura state headquarters, Agartala chu Zirtawpni zan khan tlawhin left hruaitute nen an inkawm a. CPI-M Tripura state secretary Jitendra Chowdhury chuan a lo dawngsawng a ni.
Ain inkawm zawhah Kumar cuan Congress chuan ‘anti-BJP party’ te chu tanghova saffron party hi assembly inthlanah hneh an tum tih a sawi.
“Tripura hian hlauhna leh tharum aiah hna leh zalenna a mamawh a. BJP hi paih thlak ngei ngei a ngai a ni,” tiin Agartala-a thuthar lakhawmtute hnenah a sawi.
Chowdhury chuan an an thu rel a sawi duh lo va, Congress hruaitute pawhin bial inchan sem tur hian an indawr tan chauh a la nih thu an sawi ve bawk a; tifel tur chuan party pahnihte hi an la indawr nual a la ngaih tur thu an sawi bawk.