UFC chuan welterweight title trilogy a thlen tir dawn a. A vawi thumna atan champion lai Leon Edwards leh champion hlui Kamaru Usman te an intum dawn.
UFC president Dana White chuan London a neih tur UFC 286-ah fighter pahnihte hi March 18-ah an intum dawn tih a sawi chiang.
August thla khan Edwards hian round nga naah Usman hi knockout in UFC 278-ah a champion a. Hemi hma hian kum 2015 khan Usman hian Edwards hi a lo hneh tawh.
20-3, 1 NC record nei Edwards hi a zawna vawi 11 chak lai niin Usman laka a tlawm hnuah a la tlawm leh lo.
Usman hi welterweight huang awp rengtu a ni a, a zawna vawi 15 a chak tawh chu Edwards hian a tihtawpsak.
UFC 286-ah hian lightweight huangah interim champion lo ni tawh Justin Gaethje pawh a inlan dawn a. Rafael Fiziev nen an intum ang.
Contract la ziah fel loh nimahsela fighter pahnihte thuphungin an inrem tawh.
Nikum May thla khan 23-4 record nei Gaethje hi Charles Oliveira lakah a title fight-ah a tlawm tawh a. A inlan hnuhnung pasarih atang vawi hnih a tlawm.
12-1 record nei Fiziev hi lightweight fighter lar chak tak a ni a, a zawna vawi ruk chak lai a ni ve thung.