Lunglei Congress Bhavan hawng

Aizawl: Kum 2023 atan Lunglei Congress Bhavan chu MPCC President Lalsawta’n nimin khan hawngin Lunglei Municipal Council (LMC) inthlan lo awm turah Congress an phur tih sawiin, Lunglei mipuite tana inenkawlna tha leh fel nei turin Congress party-in rorelna a chelh a ngai tih a sawi.

Lunglei Municipal Council inthlan hi kum 2023 MLA inthlan atan semi-final a nih thu sawiin Lalsawta hian, “Inthlan turah Congress kan phur em em a. Vawiina Lunglei Bhawan kum 2023 atana hawnnaa kalte ngaihtuah phei chuan kan phur zual a, keini aiin ruling lu a hai a ni,” a ti.

Kumin MLA inthlanah LDCC huam chhung MLA bial pasarih lak vek theih an inring tih sawiin Lalsawta hian, “Tun anga party chhung tanrual leh thuawih taka kan thawhho that zel chuan chiang leh zualin chakna kan chang ngei ang,” a ti a, ram siam that hmanhmawh thlakzia hriaa ram tan chauh politics dik khela tumahin politician khel ve lo turin a chah.

Lalsawta hian Congress chuan inthlan senso tam hi eirukna bul intanna leh a tihluarty nia an ngaih avangin inthlana sum hman tam hi an do tih a sawi a. “Party dangte anga sum hmanga campaign kan tum loh avangin kan party mipui, block, group leh unit zawng zawngten kan candidate-te phurrit siam zawng lova an theih ang chin china mahni hekna tur pawha lo tanpui zawk turin ka ngen che u,” a ti.