Costa Rica police-te chuan an ram chanchina phal loh damdawi ruihhlo an man tam ber an man a, thlawhna hmanga bungraw phurhnaah cocaine tonne 5 aia tam an man.
Heng ruihhlote hi Netherlands lama thawn chhuah tur pangpar karah thuhruk an hai chhuah thu Interior Minister Michael Soto Rojas chuan a sawi a. Rinhlelh man an nei tel bawk.
Central America an tih, North leh South America khawmualpui inzawmna lai bawra awm ramte hi ruihhlo tawlh ru pawl (cartel)-ten South America atanga US leh Europe-a an thawn luhna kawngpui ber pakhat a ni.
Thuneitute hian thlawhnaa bungraw thawn chhuah tur rinhlelhawm deuh an tih chu Inrinni khan nasa takin an dap a. Hetah hian suitcase 202 chhungah package 5,048 zet, package khata kg 1 (2.2 lbs) vel zel lo awm chu an hai chhuak ta a. A neitu nia rinhlelh an man hi Costa Rican niin kum 46-a upa a ni.