Aizawl : Krismas leh Kumthar chawlh an hman hnuah Students’ Self-Support Union (SSU) General Headquarters Pisa chu nimin atang khan hawn tan leh a ni a. SSU Pisa hawnni-a inkhawmah SSU Adviser C. Zorammuana leh James Ramdinmawia te pawh an tel.
SSU Adviser C. Zorammuana chuan SSU chu kumtharah tha thar leh ngaihtuahna thar nen pawl hmachhawp te chak taka bawhzui tur leh hun vawn dik kawnga hmasawn turin a chah a. Mahni intodelh chunga lehkha zir leh pawl kaihhruai chu harsa viau mahse, beidawng lova bei tang tang tur te, an hmalakna reng rengah tihtakzet leh theihtawp chhuah zel turtein a chah bawk.
SSU Pisa hawn ink- hawmah hian SSU President Darhmingliana’n SSU Pisa chu zirlaite leh ram leh hnam tana thawktu zawng zawng ten tangkai taka hmang tura a duh thu a sawi a. Zirlaite chu an zirnaah theitawp chhuah tur leh ram leh hnam tana mi tangkai an nih zel theihna tura an nun uluk turin a chah bawk a ni.