BJP chief Jagat Prakash Nadda chu nakum June thla thleng an party president a ni zui dawn.
A party national executive committee ni hnihna, Thawhlehnia neih rualin an strategist Amit Shah chuan Nadda-a hun pawh sei a nih thu hi a puang a ni.
Nadda-a hun hi pawh sei a nih rinna a awm sa a, kuminah hian state pakuaah inthlan a awm dawn a, nakumah ram pum inthlan a awm bawk ang.
“BJP National Executive chuan Pu Nadda-a president hun chhung hi June, 2024 thleng pawh sei a remti a ni,” tiin Shah chuan thuthar lakhawmtute hnenah a sawi.
“Prime Minister Narendra Modi leh party president Nadda kaihhruaina hi kan la ring tawk a, kum 2024 inthlan lo awm turah pawh hian kum 2019 aia chianga chakna kan chan ngei kan inring a ni,” a ti bawk.