Excise & Narcotics Department (END) & 42 Assam Rifles te thawk dun chuan Thawhtanni tlai dar 3 khan Mualkawi (Zokhawthar Road), Champhai District-ah heroin gram 264 & 400 mgs (hawng 21) leh a neitu nia puh mi pahnih – Lalthuampuii (39) leh Lalbiakthangi (40), Mual Veng Ruantlang-a khawsa ve ve nia inchhalte an man.
Thawhtanni vek khan END leh Central Anti Drugs Squad (CADS) thawkdunin, heroin gram 72 leh a neitu nia puh mi panga an man bawk.
Heroin vanga mante hi the Narcotics Drugs & Psychotropic Substances Act, 1985 (NDPS Act) tlawhchhanin thubuai siamsak an ni a, nimin khan court-ah hruai nghal an ni.
END hian kumin chhung January 16, 2023 thlengin rakzu litre 3348; zu bilh lai (fermented rice) tin 2984; dawidim kg 43; sap zu IMFL (750 ml) bottle 1,172; IMFL (375 ml) bottle 11; IMFL (180 ml) bottol 146; beer (500 ml) can 518 leh BEDC litre 81.600 an man tawh a ni.