Serchhip Sub-Hqrs. YMA chuan nimin khan KRAM Infracon Pvt. Ltd. hnen atangin Ambulance (Eeco Van) a dawng a, he lirthei chabi hi Serchhip Sub-Hqrs. YMA President Kawlthuama kutah hlan a ni.
Ambulance inhlanna puala inkhawm Thinghmunkawn-a KRAM Infracon Pvt. Ltd. Camp-a neihah Serchhip Sub-Hqrs. YMA President Kawlthuama chuan, CSR Fund atanga mipuite mamawh tur Ambulance an dawng chu lawmawm an tih thu a sawi a. Hun eng emaw chen kalta khan KRAM Infracon Pvt. Ltd. hotute hnenah Serchhip district mipuite tan ambulance mamawhna a san thu an lo thlen tawh hnuah, nikum November thla khan Ambulance an pek tur thu hi tihchian a nih thu an sawi a. Hemi hnu hian tihtur tul ang ang te buaipui zui nghalin nimin khan inhlanna hun hman a ni ta a ni.
Ambulance hlanna hun KRAM Infracon Pvt. Ltd. Director Deepesh Sharma kaihhruaiah, he hun hmanpuitu Serchhip District Bawrhsap Nazuk Kumar pawhin thu sawiin, Serchhip district-a hna a zawm tirh lamah Ambulance mamawhna a san thu a sawi a. Thingtlang lamin inenkawlna tha an dawn thuai theihna tura veivahna tur pawimawh tak Ambulance thar an nei tur chu lawmawm a tih thu a sawi a, YMA leh sorkar thawhhona a that thu a sawi bawk.
He hun hi Central YMA General Secretary Prof. Lalnuntluanga pawhin a hmanpui a ni.