Ramchhung streaming platform (OTT) lalpa ni turin Akshay Kumar a dingchhuak a, kum 3 zawnin a film tihchhuahte’n en an hlawh ber.
Media consulting firm Omax tarlan danin, nikum 2022 khan Akshay film, ‘Cuttputli’ chu OTT-a Hindi film en nasat ber a ni a, September-a Disney+Hostar-a tihchhuah khan thawm a nei ring.
Nikum chhung zawnga Akshay film chetha ber ni zuiin, kum atawp meuh chuan view maktaduai 26.9 a tling hman. Karan Johar’s Gehraiyaan (22.3 million views) leh Kartik Aaryan’s Freddy (20.9 million views) te’n an pha lo.
Heti hian OTT bikah Akshay han khum theih tur an awm map rih lo tihna a ni a, kum thum zawna a film tihchhuahte’n en an hlawh fal ber mai a ni.
Kum 2020 khan a channa, ‘Laxmii Bomb’ chu Disney+Hotstar-a film en nasat ber niin, view maktaduai 25.1 a nei thei. A film dang ‘Sooryavanshi’ pawhin Netflix record thar a siam a, Cinema hall lamah pawh 2021 chhunga film hit ber a tihngam bawk.