Guitarist lar Steve Vai-a’n kum 36 zet rukbo tawh a guitar chu a hmu leh ta.
Kum 1986 khan a guitar ngainat leh chhuan em em ni bawk, ‘Swiss Cheese’ hi California-a rehearsal an neihna hmun atanga rukbo niin, instrument dang pathum nen chin hriat lohin a bo hmak.
David Lee Roth hla, ‘Yankee Rose’ music video an siam tum pawha hmanrim tak ni bawk hi Steve hian a roh hle a, hmu ngai tawh lo tura a inngaihzet hnu ah Mexico-a In pakhat atanga hmuh chhuah niin, tunah hian a neitu dik tak kutah a awm ta a ni.
“A mak hle mai, hriatthiam har tak pawh a ni. Kum 36 zet a bo hnu ah ka duhdan taka ka tuaihnum guitar chuan a ka hnen a lo thleng leh ta,” tiin Steve hian a ziak.
He guitar hmuchhuaktu Ivan Gonzalez Acosta hian kum rei vai lovah khan a pu te In ah guitar hi an hmuchhuak niin, a sawi.