National Girl Child Day pualin nimin khan Aizawl leh district khawpui hrang hrangah hun hman tan a ni a, he ni pual hian kar khat chhung hun hman tura ruahman a ni.
He hun hman tur hi Social Welfare Minister Er. Lalrinawma’n nimin khan a pisaah a hawng a, hemi rual hian district hrang hrangah pawh hun hman a ni bawk.
National Girl Child Day hawnnaah hian hmeichhe naupang ten him tak leh thlamuang taka kha- wvel an hman theihna tur leh zirna leh thiamna changtlung an neih zel theihna tura venghim tlat chunga theihtawp chhuah tur- in kalkhawm ten thu an tiam rual a. Hmeichhe naupangte tana khawvel chhenfak- awm, ralmuang, thlamuang leh him siam a tul thu Social Welfare Minister chuan a sawi a. Mizoram Secretariat building sirah he ni pual hian Moringa thing tiak a phun bawk a ni.
National Girl Chi- ld Day puala hun hman chhung hian hmeichhe zirlaite tan hmeichhe naupang hlutna lam pholang thei lemziaka inelna buatsaih a ni dawn a. Sports lam uar tura hmeichhe naupang te fuihna hun te; Beti Bachao Beti Padhao (BBBP) scheme lam hawi thuziak sorkar leh mimal ina tar te; hmeichhe fate hlutna lam hawi poster leh slogan inphuahsiak tea hun hman tura ruahman a ni a. Special Gram Sabha kovin, naupangte humhim leh hmeichhiate tana skill devolopment pawimawhna zirhote; kum tling lova inneih thatlohna kohhran leh khawtlang hruaitute nena zirhona hun te buatsaih tum a ni.
TV a tihchhuah turin Pre conception and Pre Natal Diagnostic Technique leh Medical Termination of Pregnancy (hmeichhe fa tihtlak venna dan) leh hmeichhe humhalhna dan chungchang sawihonate buatsaih tum a ni bawk.