Chief Minister Zoramthanga chuan nimin zing khan Thuampui leh Zemabawk North-a hmasawnna ruhrel dinna tur rawtna leh hmalak mekte chu a enfiah.
Chief minister hian a bial Aizawl East-I chhunga hmalakna a tlawh zingah hian Zemabawk Bethel leh Middle School inpawhna kawng zauh hna thawh mek leh Thuampui Veng chhung inkalpawhna kawng siam rawtna awmte chu kawng laih theih dan tur remchang a awm leh awm lohte a enfiah a ni.
Hmasawnna hna thawh tur hmabak tam tak a la awm thu sawiin chief minister hian, tun hun atan chauh ni lo, rei tak daih hmasawnna ruhrel ngelnghet tak siam a pawimawh thu te, chutiang rilru pu a project te pawh siam a pawimawh thu a sawi.
Chief minister hi PWD hotute leh khawtlang hruaituten an tawiawm a ni.