Aizawl : Sub-Committee on overall coordination on G20 mee- ting-in nimin khan Mizoramin G20 Business meeting, kumin March ni 2-a a thlen tur chu- ngchang Aizawl Mayor Lalrinenga Sailo leh a thawpui Councillor te an sawipui.
He Sub-committee-a member secretary, OSD-cum-Joint Secretary David H. Lalthang- liana’n G20 Business meeting pawimawhna leh he meeting thleng tura inbuatsaih dan leh ruahmanna siam chhin te a sawi a. Hengah hian AMC thawhpuina leh tawiawmna an mamawh tur thu sawiin, a bikin ramdang atanga he meeting-a tel ten Mizoram chu state fai leh nuam, mipui hawihawmnate an hmuh theihna tura hmalak a pawimawh thu Local council thlengin an hriat a tul thu a sawi.
Aizawl Mayor Lalrinenga pawhin Aiza- wl-ah G20 meeting hlawhtling taka neih a nih theihna tura AMC tih tur chinah theihtawp an chhuah tur thu a sawi a. A buai- puitu, a bikin Home department leh sub-committee hrang hra- ng te pawh AMC chu finchhuah tura saw- min, a tul apiangah amah leh Councillor zawng zawng te pawh an inhawn thu a sawi bawk.