Kum 20 liamtaa rimawi khawvela sawi hat hat tling Madonna leh Britney Spears te inchuks chungchangah Jennifer Lopez chuan ruahmansa vek anih thu leh Christina Aguilera hmunruak luah tur a nih laia hunawl neih ngang loh vanga inlan loh mai a nih thu a sawichhuak.
MTV VMAs-ah khan Madonna leh Britney Spears te chu dawhsana an zai laiin an chuks thut mai a, hetah hian JLo pawh tel tura beisei vek a nih rualin, film shooting a neih vangin a aiawh Aguilera a inlan thung a, ani pawh hi Madonna hian a chuks tho.
E! News-in a kawmnaah J Lo chuan Aguilera inlanna turah khan amah zawk inlan tur a nh thu sawiin, “A dik al awm. Keimah zawk tur a ni. Canada-ah film shooting neih buai lai a ni a. Madonna leh Britney te nen khan kan inhmu a, ruahmanna kan siam. Mahse, film shooting ka chawlhsan a rem si lova, chuvang chuan kan tiho thei ta lova, Christina Aguilera a lo remchang hlauh a, an tiho ta mai a ni,” a ti.
Hemi tuma Madonna-i’n Aguilera a chuks lai erawh TV kaltlanga pekchhuah a ni lova, camera hian stage hnuchhawn nghal vatin Justin Timberlake a focus thung a, hemi hma lawka inban fel Britney bialpa hlui chhanlet dan hmuh an tum vang te paw’n an sawi.
Aguilera a lawm lem lo hle a, Madonna nen an inchuks lai tilang lova, an edit bo ta taih chu shot ho tak leh awmze nei lovah a puhzui.