Ningani chawhnu dar 1 khan R.B. Mc Cabe Hall-ah zalenna sual laia MNF hotu lian, kum 1963-69 chhunga MNF Vice President, 1966-69 inkara President charge latu Lalnunmawia diary dah khawmna lehkhabu, bu thum – Zalenna Chauh, East Pakistan-ah leh 1971 tihte chu tlangzarh a ni.
Lehkhabu bu thum te hi Lalnunmawia rinawm taka a tawp thlenga zuitu Hriatkima Sailo in a tlangzarh a ni.
He lehkhabuah hian kum 1967-1971 inkara Mizo National Movement kha a thlen ni zela ziah anga sawi theih a ni. Mizo hnam chanchina lehkhabu pawimawh leh tangkai tak a nih theih ngei beisei a ni.
He lehkhabuah hian zalenna sualtuten ni tina an thil tawn hmuh theihin a awm a. Zalenna sual laia hotu liante rorel dan leh an chhungkaw boruak pawh thui tak hmuh theihin a awm a ni.
Fraser Media and Publication tih chhuah a ni a. Nikum (2022) khan chhut zawh fel tawh a ni nain, mipui vantlang tan sem chhuah hman a ni ta lo a, kum 2023-ah tlangzarh a niin hralh chhuah a ni ta a ni.