Vairengte lam atanga Bilkhawthlir lam pana Myanmar Kuhva ro phurh chu nimin vartianah khan Bilkhawthlir Kuhva Chingtu ten Bilkhaw- thlir dai, Buhchang peng ah an man a, Kuhva phur truck dang pahnih Bairabi road lama tlanliam hman te chu Bairabi police leh Pha- isen-a Police duty te hriattir nghal mahse, man an ni lova, an chin hriat zui a ni lo.
Bilkhawthlir Kuh- va Chingtu ten Kuhva an man hi truck ke 10 nei chi NL-02 Q 1594 hmanga phurh niin, he truck hi a body chanve hnuailamah a chhuat chhawng siam- in, chumi hnuai lamah chuan Kuhva chu bag-ah khung lovin a lawnga dah a nih thu thudawnnain a sawi a. En mai chuan truck chu engmah phur lo, a ruak emaw tih mai tur a nih thu leh tipper anga a thil phurh bun theia siam niin, a kuhva phurh te pawh chu bun tir a nih thu leh a hnu ah Kuhva te chu a chhan hriat loh a a kan thu thudawnna chuan a sawi.
Thudawnnain a sa- wi danin, he truck Kuhva phur man a nih hma lawk hian Kuhva phur truck dang pahnih chu Bairabi road lamah an tlan liam hman a, Bairabi police te leh Assam lama luh theihna Phaisen-a police duty-te pawh hriattir mahse, Bairabi leh Phaisen-a duty Police te hian an man lova, truck pahnih te chin hi hriat a ni ta lo a ni.
Dan lova Kuhva lakluh, Vairengtea kudama dah te chu tun- hnaiah hian a ruka phur chuakin Bilkh- awthlir lam atangin Bairabi lamah kalin Assam lamah an luhpui thin nia hriat a ni a. Tunhnaiah dan lo- va Kuhva lakluh phu- rh te hi Bilkhawthlir-ah vawi engemawzat man a ni tawh tih thu thudawnna chuan a sawi bawk a ni.