Aizawl : Khawvelah India ram chu hmeichhe chhul hmawr cancer tam lama pahnihna a ni a. Chhul hmawr cancer tam ber chu Human Papilloma virus vang a ni tih hmuhchhuah niin, za-a 99.9 chu vaccine hmanga ven theih a ni tih hriat a ni.
State Task Force Committee for Immunization thutkhawma tarlan a nih danin India sorkarin kum 2023-24 atang hian hmeichhe naupang/tleirawl kum 9 atanga kum 14 inkar tan chhul hmawr cancer laka inven theihna vaccine chu a thlawnin a pe dawn a. He vaccine single dose kalpui hmasak- na tur state 7 thlanchhuah zingah Mizoram chu telin, Health & Family Welfare department-in mi sing 6 vel tinzawnin ruahmanna kalpui tum a nih thu tarlan a ni bawk.
Task Force Committee for Immunization chuan natna hrang hrang laka invenna, Immuniz- ation programme kalpui mek te leh Mizoram dinhmun te, programme thar kalpui leh turte pa- wh an thlir hova. Kum 2014 atang khan India ram chu Zenghri laka fihlim tawha puan a ni tawh mahse, thenawm ram atangtea lo lut thei a la nih avangin Zeng hri danna fIPV (fraction inactivated Polio vaccine) lak chhunzawm a pawimawh thu an sawi.
Ministry of Health & Family Welfare thuchhuah angin tun thla ni 1 atang khan India ram pumah fIPV dose 3 a pek tan a nih thu leh dose 3 lakin zenghri lakah za a 98 veng tura ngaih a nih thu sorkar thuchhuahin a tarlang a. Naupangin thla 9 a tlinin fIPV chu Sentut venna (Measles Rubella vaccine) lak ruala pek tur a nih thu a tarlang bawk.