Aizawl: MZP Executive Committee-in Mizoram Subordinate Services Selection Board (MSSSB)-in MZP ngenna a ngai pawimawh loh avangin tun hnaia hna lakah hnam dang an tling fo nia sawiin tun thla chhunga MSSSB chairman thlak tura sorkar ngen an tum.
MZP Executive Committee hi nimin khan an President Lalnunmawia Pautu kaihhruaiin an thukhawm a. Mizo zirlai leh hna zawng mekte tana him tur MSSSB dan (recruitment rules) siam a nih theihna tura hmalak pawh rawtin MZP ngennate hi a hlawhtling lo a nih chuan MSSSB titawp tura hmalak an rel a ni.
Sorkar thar turah hnam dang minister an awm lohna turin political party tinte hnenah MZP chuan ngenna siam an tum a. An ngennain awmzia a nei lo a nih chuan ‘na taka nawr ni se’ an ti.