Premier League champion Manchester City in an mualah ‘comeback’ hnehna tha tak an chang a. Arsenal nena an inkar tizim in 4-2 in Tottenham an hneh.
Ningani zana Etihad Stadium a Premier League inkhelah Spurs hian an hmelma Arsenal tan thil lawmawm an tihsak dawn a ang hman viau a. First half tawp dawn lamah minute thum chhungin Dejan Kulusevski leh Emerson Royal te hmangin goal an khung.
Pep Guardiola pawlte a zawna vawi thumna atan tlawm thei dinhmunah an ding a, halftime a nihin an fans ten an au el hial.
Second half-ah erawh City inkhel a nung a, tan veleh atangin an hlauhawm nghal.
Julian Alvarez chuan minute 51-naah Spurs keeper Hugo Lloris ball man theih loh chu goal-ah a khung a. Minute hnih hnu lekah Erling Haaland-a’n an goal hnihna a khung.
Spurs in goal ban an tihper hnuah Riyad Mahrez a inlar a. City goal thumna a khung hnuah Spurs goal veng bawk a chesual leh a. Mahrez-a’n goal hnuhnung ber a khung phah.
Manchester City boss Pep Guardiola chuan a team a sawisel a, “Season dang a team ang kha kan pha lo hle. Hetiang comeback hi a thlen fo theih in ring em? A theih loh.” tiin inkhel zawhah a sawi.