Bundesliga hmahruaitu Bayern Munich chuan inkhelah goal khung hmasa ah tang mahse hnehna an chang zo lova. 1-1 in RB Leipzig nen Bundesliga chhunzawm a nih zanah an inhnehtawk.
Red Bull Arena-ah Zirtawpni zan khan Bundesliga in thlasik chawlh an hman hnuah season an tan a. Minute 38-naah mikhual team in goal an khung.
Striker Eric Maxim Choupo-Moting chuan goal khungin Bayern in first half an khelhthat rah an seng.
Nimahsela second half tan hnu lawkah Leipzig in Marcel Halstenberg chuan Leipzig si phurh a sut.
Bayern hi inhliam avangin first team player chhawr thei lo nual an ni a, goalkeeper Manuel Neuer bakah Sadio Mane leh Lucas Hernandez te khel thei lo zingah an tel.
Bayern coach Julian Nagelsmann chuan, “Leipzig an kheltha viau a, mahse team pahnihte inkhel hrim hrim kha a felfai lo. Insiamthatna lai tur kan nei nual a, hemi tur hian rim takin kan thawk chhunzawm ang.”
“Kan dinhmun a chhe lova, a pawm theih viau. Thla hnih chawlh hnuah kan inkhelh leh vawikhatna a ni a, pangngai tak chuan kan khelah ka ngai.” tiin a sawi.