Republic Day vawi 74-na || Delhi-ah ropui taka lawm a ni

India chuan Ningani khan Republic Day vawi 74-a chu kalrem lâm ropui tak nen a lawm a, sipai leh nunphung chi hrang hrang pho chhuah a ni.

He ni hi India ram pumah sorkar chawlh niin ramin danpui a neih champha a ni a, India chu mahnia danpui neia ram hranga a din champha a ni.

Parade ropui leh lian ber chu an khawpui ber, Delhi-ah neih niin ram pumah live-a TV-ah tihchhuah a ni.

Kum tin he niah hian ram dang mi pawimawhte khuallian tura sawm an ni thin a, kuminah hian Egypt President Abdul Fattah al-Sisi chu khualzahawm atan hman a ni.

January thla khaw vawt tak hnuaiah parade chhim turin mi tam tak an pungkhawm tho va, tun hnaia chei thar, Kartavya Path (Rajpath tih thin)-ah neih a ni.

Sipai regiment hrang hranga mite parade-ah hian telin president, prime minister leh khual pawimawh tak takten an thlir.

Parade-ah hian Egyptian armed force sipai 144 an inlan ve bawk.

Parade contingent tam tak zingah hian hmeichhe hlang telna navy pawh an tel a. Central Reserve Police Force hmeichhe hlang an tel bawk.

Naval contingent-ah hian Agniveer an tih, Indian army-a tang tur lak dan (scheme) thar hmanga lak paruk an tel bawk.

Parade-ah hian India-in ama puala ralthuam a siam chhuah hrang hrangte pawh pho lan a ni a. British hun lai atang tawha hman, 25-pounder gun an tih, president chibai buk nana vawi 21 an kah chhuah thin pawh India-in a siam, 105mm field gun hmanga thlak a ni ta bawk.

Indian-te siam ram venhimna hmanrua leh military system chi hrang hrang pho chhuah a ni.

Regiment thenkhat chu sanghawngsei leh sakawr nen an inlan a, heng mite hi mipui lawm hlawh ber ber an ni bawk.

Vansang lamah pawh show neih niin thlawhna rual chu formation chi hrang hrang hmanga inlanin an thiamna leh theihna an lantir hlawm.

Sipai lam parade zawh hnuah hian tableaux pho chhuah zui a ni a, state hrang hrangten an hmalakna leh an khawsak phungte an pho lang hlawm.

Tableaux pho chhuahah hian state-te chuan an huam chhung theuhva chanchin hluite leh khawsak phungte an pho lang a. Heng thil pho chhuah hi lâmin an state mite theuhvin an zui bawk.

State leh district hrang hrangte pawhin Republic Day hi an huam chhung theuhvah an lawm hlawm a. Parade tenau deuh zawk leh cultural programme an hmang hlawm.

Tableaux pho chhuahah hian sorkar department-te lawh inlanin ram tana an thawh chhuahte an pho lang a. Lo neih, science leh technology lama an chet thatnate an pho chhuak a ni.

Leave a Reply

error: Content is protected !!