January 28-a China-a Zhenjiang khawpuia cheng pa pakhat damlo chu nimin khan bird flu strain H10N3 kai a ni tih finfiah a ni.
Kum 41 mi hi khawsik leh natna dang a neih vangin damdawi inah dah a ni a, bird flu a kai tih finfiah a ni tih National Health Commission (NHC) chuan a sawi.
Endik a nih hnuah January 28 khan H10N3 hi a vei tih hmuh chhuah a ni a, a kai dan erawh an puan tel a ni lo thung.
H10N3 hi natna hlauhawm lutuk a ni lo a, inkai darh hluai chi a ni lem lo niin NHC chuan a sawi.
A hnuhma an chhuinaah pawh a chhungte leh a tlawh hnaivaite tumahin an kai ve lo.
Tuna vei mek pawh hian dam lam a pan tawh a, damdawi in atanga chhuak mai thei dinhmunah a ding tawh.
Sava lampang kaihhnawih vanga nawmsam lohna hi China ramah a hluar hle a, a tlangpuiin ar vulhnaa thawktu an ni.