Aizawl: BJP Mizoram Thalai Headquarters chuan North East Council (NEC) kum 50 tlin lawmnaa Mizoram chief minister, Zoramthanga’n state dangte entawntlakin Mizoram siam theih a nih thu a sawi fo chu anmahni mawng an hlimna mai nia an ngaih thu an sawi.
Nimina an thuchhuahah BJP Mizoram Thalai hian Mizorama sorkarna chelh tawhten Mizoram chu entawntlak a siam theih a nih thu hi vawi tam tak an lo auchhuahpui tawh a, entawntlaka siam thei dinhmun a an din laia siam duh si loa siam theih a nih thu an sawi fo hi, anmahni mawng an hlimna mai niah an ngaih thu an tar lang.
“Thenawm state-te entawn tura vawiina mipui hmaa thu kan sawi lai mek hian, kan thenawm state-te erawh kan entawn ngai khawpa hmasawn leh changkang anni tawh tih hi Chief Minister Pu Zoramthanga hian a hmuh kân nge? a tih ve theih loh thu tha mi dang tih tur atan a sawi leh mai mai zawk?” tih chu an zawhna a nih thu an sawi zawt bawk.
BJP Mizoram Thalai hian thusawi chauha distinction pass chief minister neih hi Mizoram thanmawhbawk a nih avangin dawt sawi bansana mahni thutiam anga ding tawh tur leh Mizoram tan thil tha ti zawk turin chief minister Zoramthanga an ngen nghal bawk.