Newcastle United chuan kum 1999 hnua a vawikhatna atan cup final an khel dawn a. English Football League Cup final-ah Wembley Stadium-ah an inlan dawn.
Thawhlehni zanah St. James’ Park-ah EFL Cup semi-final second leg hi Southampton nen an khel a, first leg a 1-0 a chak tawh Magpies hian 2-1 in hnehna an chang.
Newcastle chherchhuah midfielder Sean Longstaff chuan minute 5-na leh 21-naah Magpies tan goal a khung a. Southampton in minute 28-naah Che Adams hmangin goal khat khung ve mahse a bak an khung belh thei lo.
Magpies tana thu lawmawm lo erawh an inkhel a pawimawh thei tak Brazilian midfielder Bruno Guimaraes chu red card pek a ni a. Samuel Edozie a foul chu VAR hmanga ennawn a nih hnuah referee Paul Tierney chuan a hnawtchhuak.
Eddie Howe-a pawlte hian kum 1969 a Inter Cities’ Fairs Cup hnuah trophy lian a vawikhatna atan chawi an tum leh dawn a. Kum 1999 FA Cup final khan Manchester United in an lo hneh tawh.