ZPM Political Affairs Committee (PAC) nimina thukhawm chuan sorkar hnathawkten an hlawh leh DA-ah harsatna an tawk chu pawi an tih thu sawiin, sorkar chu inenlet ngam turin an phut.
Nimina an pisa-a ZPM Working President K Sapdanga hoa ZPM PAC thukhawm chuan, Mizoram sorkarin a hnuaia thawktute hlawh leh pensioner-te hlawh a hun taka a pe thei lo hian sorkar hnathawkteah nghawng tha lo tak a nei lian hleah an ngai tih an sawi a. Sorkar hnathawkten an hlawh leh DA-ah harsatna an tawk hi pawi an tih thu leh a ruaitu sorkarna fawng chelh mektute hi inenlet ngam turin an phut thu resolution an siam.