US rampum huapa TikTok khap bur tura Dan siamtute hmalakna chuan US President Joe Biden dawhkan a thlen thuai rin a ni a, Chinese thil siam lar tak hi sorkar tan pawha ngaihmawh tham a nihna a rei tawh.
House Foreign Affairs Committee-ah Republican 24 te chuan remtihna an pe tawh a, hei vang hian President thuneihna hmangin video-sharing app hi hman khap bur a ni thei dawn a, ramchhung himna tiderthawnga ngaih a nihna hi mithiamte chuan an vei hle.
Amaherawhchu, Democrats mi leh sa 16 te’n he khapna bill hi an lo hnawl vaih a nih erawh chuan boruak a dang daih thei bawk. Hetih lai ian, party pahnih member te chuan TikTok hi an ngaimawh thu an sawi tawh a, khap tura nawrna pawh a riringh. TikTok company neitute hian a hmangtute data pawimawh te hi Chinese sorkar ngenna anga an pek thin vangin US sorkar hian ramchhung himna leh muanna tiderhthawng thei turah a ngai a, khapna a kalpui lovang tih pawh sawi a har hle.
He bill hi Biden-a’n official taka Dan anga a puan hma in, House of Representatives leh Senate a kaltlang phawt a ngai dawn. Foreign Affairs Committee chair Michael MCaul chuan tun thla chhung ngeia House pahnihin a pawm ngei a rin thu a sawi.