Spain a cup inelna Copa del Rey semi-final first leg-ah Athletic Bilbao an chesual a, 1-0 in Osasuna lakah an tlawm.
Estadio El Sadar a inkhelah Moroccan forward Abde Ezzalzoulie chuan second half tan tir lamah counter-attack rang tak atangin goal awmchhun hi a khung a. Inkhel boruak sang leh tharum hmanna tam takah mualneitu team zawk an chak.
Basque ram club pahnihte hi April 4-ah second leg la khel tur an ni a, a tling zawkin Real Madrid emaw Barcelona an chu final-ah an hmachhawn dawn.
Osasuna coach Jagoba Arrasate chuan, “Inkhel inhnehtawk tak a ni a, a tawpah Abde thiamna in kan tan danglamna a siam. Inkhel pumpui thlirin team pahnihte kan indangchat hneh tawn hle.” tiin a sawi.