Aston Martin chuan an driver Lance Stroll chu tunhnaiah inhliam avangin pre-season testing-ah an car khalh thei lo mahse tun kartawp a Bahrain Grand Prix lo awm turah a inlan tur thu an sawi.
Kum 24 mi Canadian driver hi cycle-a a chetsual avangin kar hmasa a ni thum chhung awh testing-ah a inlan thei lova, a aiah an reserve driver Felipe Drugovich chuan an car a khalh.
Stroll hi a dam hman ang em tih zawhna a tam hman viau a, team lamin a dam hman loh chuan Drugovich hi an rin tlang tur thu an lo sawi tawh.
An driver hi a dam hman tur thu sawi mahse Aston Martin hian an reserve driver pahnih Drugovich leh Stoffel Vandoorne te chu Sakhir a intlansiakna hmun tur Bahrain International Circuit-ah an awm ve tur thu an sawi chiang tel.