A natna tawrh khirh tak Ramsay Hunt sydrome vanga enkawl a ngaih reng vangin Justin Bieber chuan ‘Justice Tour’ a neih tum zawng zawng a cancel fai vek.
Kum 29 mi zaithiam hian tunhma pawh khan vawi tam show a lo cancel tawh a, nikum nipui lai atanga hrisel lohnain a tlak buak hnu khan awmze nei leh mumal takin show a nei thei tawh lo.
A hmai a kawisawi a, a mit meng a dik lo thin bawk a, Ramsay Hunt Syndrome (RHS) vang hian hun hrehawm tak a hmang mek. Nikum September-ah thil dang zawng aiin a hriselna a ngaihpawimawh tawh tur thu a sawi tawh.
Canadian singer hian US, Australia leh Europe-ah tour nei turi a inbuatsaih nasa kha a ni a, mahse naktuk zan atanga tan tur Justice Tour hi chawpchilh takin a titawp fai vek a, ticket lei tawh te pawhin pawisa andawnglet leh vek daw a ni.