Rajya Sabha MP K. Vanlalvena’n Union Minister of Environment, Forest and Climate Change Bhupender Yadav chu a chenna in-ah hmuin, Lengpui-a National Institute of Technology campus din kawnga harsatna tawh mekte tawngka leh ziakin a thlen a. Union Minister chuan April thla chhung ngeiin Lengpuia NIT campus dinna tura Forest Clearance tihfel a nih tur thu a lo hrilh.
Sorkar thuchhuahin a tarlan danin, Lengpuia NIT Campus nghet dinna turin kum 2020 January-ah Uni- on cabinet meeting-in Rs. vaibelchhe 669.75 a sanction a, Rs, vai- belchhe 334.78 hman ral a nih tawh hnuah ‘Riverine reserved forest a ni’, tia Forest department-in complaint a thehluh avangin hna- thawh kallai tihtawp vek a ni a. Pawisa sanction tawh atangin Rs. 334. 97 lai hman chhunzawm theihlohin a la tang a ni.
NIT zirlai, state dang atanga Mizoram pantu tam tak te bakah Mizoram hmun hrang hrang atanga Mizo zirlaite chuan hmunhma tha nei lovin Chaltlang leh Durtlangah te mi- mal in an la luah mek.
Union Minister of Forest Bhupender Ya- dav chuan NIT Campus harsatna chungch- ang chu Mizoram Forest Minister TJ Lalnuntluanga leh Higher and Technical Education Minister Dr. R. Lalthangliana te nen pawh an sawidun tawh thu K Vanlalvena chu lo hrilhin, April thla chhung ngeiin Forest Clearance hi tihfel a ni ang tih Mizoram MP Pu Vena hi lo hrilhin, April thla chhung ngeia Forest Clearance tihfel a nih tur thu a lo hrilh niin sorkar thuchhuah chuan a tarlang a ni.