AZL: Hri len vanglai angin hri kai thar a za tel ni rih lo mah se, tun hnaiah ni tin Covid-19 kai hmuh an awm leh tawh.
Inrinni khan Covid kai nia rinhlelh mi 31-te chu an sample endik niin mi pariatin an kai tih hriat a ni.
Covid kai hmuhchhuah thar zinga a tam zawk chu Aizawl district chhunga mite an ni a, Inrinnia hmuh mi pariat zinga pasarihte chu Aizawl district niin Kolasib district chhunga mi pakhat a tel bawk.
Inrinnia hri kaite nen Pathianni tlai thleng khan mi 49 an awm a ni.
Mizoramah sample 19,93,904 endik tawh a ni a, a kai mi 2,39,052 hmuh tawh niin mi 726 an thi.