Los Angeles Lakers in NBA Playoffs-ah Western Conference semi-finals an khel dawn a, 125-85 in Memphis Grizzlies an sawp a, 4-2 in first round series an la.
Crypto.com Arena-ah Lakers in an khingpuite hi nkhel tan tir atangin an thunun a, semi-final an luh theihna tur inkhelah inthlahdul lovin an tawnhriat neih that an chhawr.
Memphis Grizzlies hi West a seeded number 2 an ni a, team naupang hmuhnawm an ni. Chutihrualin khelmual pawnah an bengchheng bawk a, Lakers veteran rual an chhaih thinrim hnuah an dawl zo lo.
Lakers tan D’Angelo Russell chuan point 31 score in NBA Playoffs inkhel a point a score hnem ber tum a hmang. LeBron James chuan point 22 score in Anthony Davis chuan point 16 a score bakah defense-ah hnawk leh hle in rebound 14 a lak bakah block vawi nga a nei.
Lakers hian kum 2012 hnua a vawikhatna atana NBA Playoffs series mahni court a an lak hmasak ber a ni.
Champion lai Golden State Warriors erawh an tum angin an la kaltluang thei chiah lo. Sacramento Kings in 118-99 in an hneh a, game 7 an khelh a ngai dawn.
Chase Center-ah hian Warriors tan star player Stephen Curry leh a thlawptu Klay Thompson ten point 29 leh 22 score mahse anni ang thova team awmze nei a duan Kings in an chhanglet thei zel.
Kings tan Malik Monk chuan point 28 score in De’Aaron Fox chuan point 26 a score.
Semi-finals inkhel hmasa berah Pathianni zing khan Denver Nuggets in 125-107 in rinkai zing ami Phoenix Suns an hneh nghal.