National Science Day chu nimin khan ram pumah hman a ni a. He ni hi kum tin February 28-a ‘Raman Effect’ hmuh chhuah a nih chamah hman ziah a ni.
He niah hian Indian Physicist CV Raman chuan ‘Raman Effect’ an tih zui tak chu a hmuh chhuah thu a puang a, hei vang hian kum 1930 khan Nobel Prize a dawn phah nghe nghe.
He niah hian science pawimawhna leh mihring nuna thil a tih theihzia sawi darhna hun hman thin a ni.
National Science Day 2021 thupui (theme) atan hian ‘Future of Science and Technology & Innovation: Impact on Education Skills and Work’ tih chu hman a ni.
Science Day pual hian zirna in leh pawl hrang hrangin hmun hrang hrangah hun an hmang a. Sorkar laipui pawhin National Science Communication Awards a sem chhuak bawk.
Awards hi kum tin he nia hlan thin hi a ni.