US rapper lar chak tak MoneySign Suede chu kum 22 mi lek niin a tanna Jail-ah thah a ni.
Nikuma debut album hlawhtling tak tihchhuak a, rap music khawvela beiseiawm ber pawla chhiar hi nimin piah khan a tanna Jail-ah beih a nih hnu ah a hliam tuar lovin a thi.
Mexican-American musician hi nikum 2022 khan debut album, ‘Parkside Baby’ hmangin rimawi khawvel a rawn barakhaih thut mai a, a lar zui viau mai.
California Department of Corrections and Rehabilitation-in thuchhuah an siamah kum 22 mi hi Jail-a inbualna hmunah na taka beih niin, a hliam tuar lovin a thi zui nghal deuh mai.
Rapper MoneySign hi silai thubuai vangin Calirfonia-a jail pakhatah hian thla 32 chhung tang tura hrem a ni a, helai hmunah hian a hringnun zinkawng a titawp ta.