Sudanese prime minister hlui, Abdalla Hamdok chuan tuna an rama indona chhuak mek chu Syria leh Libya-a tual chhung indona aiin a nasain a nghawng a na zawk thei tih a sawi.
Ram pahniha tual chhung indona avang hian mi sang tam tak thiin an chhehvel ramah mi tam tak an raltlan a, nghawng a nei thui hle.
Nairobi-a thu a sawinaah Hamdok chuan, “Khawvel pum tan pawh mangchhia a ni thei a. Sipai leh hel pawl tenau indona mai a ni lo va, sipai lian tak pahnih indona a ni tlat a ni,” a ti.
Hamdok-a sawi ang hian manin in leh lo chhuahsana tlanchhia an tam hle tawh a. A tam ber chuan Port Sudan panin lawnga hmun dang pan tum an ni a, thenkhat chuan Saudi Arabia leh Yemen an pan a ni.