China hian mihring an pun chakna hi kum 1973 leh 1983 inkar aiin a zahve dawnin a titlem thei a. Kum 1973-ah 2% a nih laiin 1983-ah chuan 1.1% chauh a ni.
Mihring punna lam zirtute chuan campaign lian pahnih, fa pakhat neih leh inneih tlai rah niin an ngai a. Hei bakah hian hmeichhiate tan hriselna leh zirna lama sum dah a san a nih tak nghawng a ni bawk a. Hmeichhiaten hna an thawk nasa ta bawk a, chu chu an pian pun chak loh chhan a ni.
India ve thung hi kum 60 vel chhungin a let thum aia tamin an pung a. Kum 1951-a maktaduai 361 kha 2011 chhiarpuiah chuan tluklehdingawn 1.2 chuang an ni tawh.
India hi kum zabi liam taah khan a chawhnu lam kum tinin 2% vel zelin an pung tihna a ni a. Thi an tlem a, dam rei zawng a pung a, sum lak luh a pung bawk a. Khawpuia chengte phei chuan tui in tur tha an nei tawh a, “Pian punna a sang reng,” tiin , a demographer at the London School of Economics-a demographer Tim Dyson chuan a sawi.
India-ah hian kum 1952-ah family planning programme a kalpui tan a; mahse, population policy erawh kum 1976-ah chauh neiin hetah hi chuan China hi an pun chak loh avangin an buai tan tawh zawk.
Asian khawchhak lam – South Korea, Malaysia, Taiwan leh Thailand te hi India aia nau piang, nau chunga thi tlem, sum lak luh punna leh mihring chawikannaah che hmasa zawk ni mah se India ain population programme an nei tlai vek.