Larsap Dr Hari Babu Kambhampati chuan Aizawl district chhung hnuchham in, orphanage/home palite tan Governor’s Discretionary Fund atangin tanpuina sum a pe chhuak.
Nimin chawhma kha Aizawl DC’s Office Chamber-ah he tanpuina Rs 1,00,000 hi Aizawl District Bawrhsap Dr Lalhriatzuali Ralte chuan Larsap aiawhin a hnuchham in pali thlan chhuah aiawhte hnenah a hlan a, Governor’s Discretionary Grant bakah hian bawrhsap hian hnuchham naupangte infiamna tur hmanrua a hlan tel bawk.
Governor’s Discretionary Grant atanga Rs 1,00,000 chu Thutak Nunpuitu Team (TNT), Zuangtui; Gan Sabra Society, Luangmual; Abundant Life Home, Leitan leh SA Motherless Babies Home, Tuikual te hnenah Rs 25,000 theuhin pek chhuah a ni.