Indian Premier League a hlawhtling ngun ber Mumbai Indians chuan IPL match 1000-naah hnehna an chang.
Inkhel hmuhnawm takah Indians hian Rajasthan Royals in target sang tak an siam chu over 19.3-ah an umpha a. Over hnuhnung berah hian ball thum atangin Tim David chuan six runs vaw vekin team hnehna a chanpui.
Wankhede Stadium-ah Mumbai in run 212 target khum a 214/4 an siam hi IPL chanchin a anmahni ‘home ground’ a target an um hlawhtlin lian ber a ni.
Rajasthan Royals tan tun IPL a che tha tak kum 21 mi Indian batsman Yashasvi Jaiswal chuan ball 62 atangin run 124 a siam a. Over 20 chhunga run 212 an siam theih chhan a ni.
Mumbai in an opener te wicket hloh har lo mahse an middle-order ten an chhanhim.
Cameron Green leh Suryakumar Yadav ten ball 26 leh 29 atang run 44 leh 55 an siam hnuah Tilak Varma leh David ten a tawp an khar a. Varma hian run 29 siamin David-a’n ball 14 lek atang run 45 a siam.