Aizawl : Lunglei Police, I&PR department leh Higher and Technical Institute, Mizoram (HATIM) te tanghovin nimin khan HATIM Campus, Puk- pui-ah zirlaite tan career awareness progra- mme an buatsaih.
Lunglei SP Rahul Alwal-a’n ‘career in the civil services’ tih thupui hmangin zirlaite chu zirtirna a pe a, Rishi Singh, IPS (Probationer)-in UPSC ex- am hmachhawn tura inpuahchah danah zirtirna pein, DIPRO Lu- nglei C. Lalremruati’n financial awareness & planning chungchang ah zirtirna a pe thung.
Lunglei SP Rahul Alwal chuan Mizo thalaite chu UPSC exam paltlang turin theihna leh thiamna tam tak nei nia a hmuh thu sawiin, zirlaite chu taima taka inpuahchah turin a chah a. UPSC exam-a hlawh- tling turin inpuahchahna hun a duh rei thu leh amah ngei pawhin vawi engemawzat a beih thu sawiin, zirlaite chu a vawikhatnaah an hlawh- tling lo a nih pawhin beidawng mai lova tumruh taka bei chhunzawm turin a chah bawk.
Career awareness hi Lunglei district-a zirna in hrang hrangah neih chhunzawm zel tura ruahman a ni.