Aizawl : PC party thalaiin dan lova hnamdang sumdawng dapchhuak thuai turin sorkar an phut.
PC thalai chuan tunhnaiah Aizawl leh district khawpui dangah te dan lova hnamdang sumdawng an tam chho hle nia sawiin, ngaihmawh- awm an tih thu an sawi a. A rang thei ang bera dap chhuah runpui nei turin Mizoram sorkar chu an phut a ni.
“Mizoram hmun hrang hranga Mizo hming hawha hnamdang dawrkai leh su- mdawnna hrang hrang kalpuitute avanga ram leilung fa te eizawnna kawngah nekchepa kan awm chho ta zel hi thanat thlak kan ti” PC thalai chuan an ti a. “Hnamdangte tana Mizote kan inhawn zau zel chuan kan hmabak a thim hle dawn a ni” an ti.
PC party thalai chuan Mizo hming hawha Mizorama dan lova hnamdang sumdawng an tam thu leh mistiri hna thawk tura chah chhuah ni si, thil chi hrang hrang zuara khawsa leh si hnamdang engemawzat an awm thu sawiin, a rang thei ang bera dapchhuah hna tha- wka an chenna rama thawnkir turin Mizoram sorkar chu an phut tih PC party thalai chuan an sawi a ni.