Thawhtanni khan Excise & Narcotics Department (END) chuan hmun li-ah heroin gram 264.100 (hawng 20) an man.
END hian Minica Pari, Shingngai, Falam District, Myanmar-a khawsa nia inchhal hnen atangin Phunchawngah gram 87 (hawng 7) an man a; Thuampui Sehri Section huam chhungah heroin gram 13 (hawng 1) leh a neitu nia puh, L.T. Siama, Thuampui Senhri Section-a khawsa nia inchhal an man.
Zote, Champhai district-ah gram 39.100 (hawng 2) leh a neitu nia puh mi pahnih – Ramfangzauva, Champhai Venglai leh Lalramsangi, Champhai Electric Veng nia inchhalte an man a; Champhai Vaihmun-ah gram 125 (hawng 10) leh a neitu nia puh, Lianzamanga, Champhai Dinthar Veng-a khawsa an man bawk.