Khawvela Nano DAP Fertilizer liquid (Leitha tui) hmasa ber, IFFCO siam chhuah chu nimin khan Hon’ble Minister of Home Affairs & Cooperation, Shri Amit Shah chuan IFFCO hmunpui, New Delhi-ah a tlangzarh a. Nano DAP hi loneitute tan thlai thar leh an sum lak luh tihpunna tur a kawng hrang hrang a hma an sawn theih nan a ni a. Hei hi PM-in a ‘Sahkar Se Samriddhi’ leh ‘Atmanirbhar Bharat’ tihhlawhtlinna tura hmalakna duhthusam a ni. Hon’ble Minister chuan IFFCO hmunpui, New Delhi-a programme neihah Nano DAP Liquid Fertilizer chu Ram rawngbawlna atan a hlan a, India leh khawvel hmun hrang hrang a tangin loneitu leh Cooperatives society member maktaduai tam takin he programme hi online-in an en a ni.
February 2021 khan Nano UREA tlangzarh a ni tawh a. Nano DAP hi a pahnihna a ni. Nano DAP 500 ml bottle khat hian DAP pangai 50 kg bag a tluk a ni. Hei hian loneitute tan senso a tihhniam phah dawn bak ah a hma a DAP phurhna leh dah khawlna (godown) senso pawh nasa takin a tihniam hle bawk ang.
IFFCO chuan Gujarat-a Kalol, Kandla leh Orissa-a Paradeep-ah Nano DAP Fertilizer siam chhuahna hmun a din a. Kalol Plant-ah hian siam chhuah tan ni tawh in, kumin chhung hian Nano DAP Liquid (Leitha tui) bottle nuai 5 (DAP Ton nuai 25 tluk pui) siam chhuah beisei a ni..
He huna thusawitu Shri Amit Shah, Hon’ble Minister of Home Affairs & Minister of Cooperation, Govt. of India, chuan, “Co-operative society hlawhtling tak tak ten research leh field thar an rawn luhchilh avangin tunlai co-operative society zawng zawng tan chuan infuihtharna a ni a. IFFCO siam chuah Nano DAP (Liquid) tlangzarh a ni hi India ram tan Fertilizer siam chhuah kawngah mahni inrintawkna nei tura bul tanna pawimawh tak a ni. Tunlai a chemical fertilizer hman nasat avang hian mi maktaduai tam tak hriselnain a tuar a, IFFCO Nano DAP (Liquid) hi thlai thar chhuah hrisel leh tam lam bakah mihring hriselna atan pawh a tha a. Loneitute sum lak luh tihpun nan leh ram humhalh kawngah nasa takin min pui dawn a ni.” a ti a.
“Ram chhunga fertilizer siam chhuah zawng zawng metric ton nuai 384 atang hian, cooperative society-te chuan metric ton nuai 132 zet an siam chhuak tawh a. Heng zinga metric ton nuai 90 zet hi IFFCO siam chhuah ani. Kan cooperative society IFFCO hian India ram hi mahni inrintawkna kawngah a thawh hlawk hle a ni.” tiin Shri Amit Shah chuan a sawi belh bawk.
Chairman IFFCO, Shri Dileep Sanghani chuan “Nano DAP Liquid hi PM Modi-a’n ‘Sahkar se Samriddhi’ leh ‘Atmanirbhar Bharat’ a, a hmathlir nen inmil taka siam a ni a, loneitute sum lakluh tihpun leh an hmalam hun tha zawk siam sak tumna a ni,” a ti.
MD IFFCO, Dr. U S Awasthi pawhin thu sawiin, “Nano DAP liquid (Leitha Tui) hian thlai chi hrang hrang hrisel tha zawk leh thlai thar chhuah tih san nan a thawk tha hle tih hmuh chhuah a ni a, environment-ah nghawng tha tak a nei a, hei hian Global Warming nasa takin a tihhniam phah dawn a ni,” a ti bawk.